Ховд аймгийн иргэдийн Төлөөлөгчдийн Хурлын Ажлын албанаас санаачлан агаар орчны бохирдол болон цөлжилтийг сааруулах, хотын тохижилт, хог хаягдал, ногоон байгууламжийн менежментийг сайжруулахад иргэд олон нийтийн оролцоог нэмэгдүүлэх, иргэдийн ая тухтай орчинд ажиллаж, амьдрах нөхцөлийг хангах зорилгоор 2020 онд “Хог биш мод тарья” аяныг өрнүүлж, аж ахуйн нэгж, албан байгууллагууд, сумдыг хамруулан Ховд аймгийн хэмжээнд өргөн цар хүрээтэй зохион байгуулж, 4775 иргэн гар бие оролцон ажиллаж, Алим, Чацаргана, Ранетка, Интоор, Бэсрэг алим, Үрэл, Үхрийн нүд, Улиас, Хайлаас, Шар хуайс, Бургас, Гацуур зэрэг 12 төрлийн 59584 ширхэг мод, бут сөөгийг тарьж, аймгийн ногоон байгууламжийн талбай, таримал ойн хэмжээ, усны болон хүчилтөрөгчийн эх үүсвэрийг нэмэгдүүлсэн билээ.

Аймгийн ИТХ-аас “Хог биш мод тарья” аяныг жил бүр уламжлал болгон үргэлжлүүлэхээр төлөвлөж, энэ жилийн тухайд Ховд хот руу орох “10000 мод Олон ястны угтах хаалга” бүтээлч ажилд Монгол Улсын Ерөнхийлөгчийн зарлигийн дагуу Жил бүрийн 5-р сарын 2 дахь долоо хоногийн бямба, ням болон 10-р сарын 2 дахь долоо хоногийн бямба, ням гарагт бүх нийтээрээ мод тарьдаг уламжлалтай өдөр буюу өнөөдөр \2021.05.08\ “Хог биш мод тарья” аяныг албан ёсоор нээж, аймгийн ИТХ-ын Төлөөлөгчид, Ажлын алба, Дэлхийн байгаль хамгаалах сан, “Түмэн модот хаалга” ТББ-уудтай хамтран “10000 мод Олон ястны угтах хаалга”-д 3 төрлийн 2000 гаруй мод тарьж, “Төлөөлөгчдийн төгөл” байгууллаа.
Эх сурвалж: Ховд аймгийн ИТХ