Сүүлийн 24 цагийн хугацаанд нийт 349 сорьцод PCR шинжилгээ хийхэд халварын тохиолдол 3-аар нэмэгдэж нийт 131 боллоо Бүсийн оношилгоо эмчилгээний төвийн Вируслогийн салбар лаборатори 2021 оны 04 дүгээр сарын 12-ны 08:00 цагаас 04 дүгээр сарын 13-ны 08:00 цаг буюу сүүлийн 24 цагийн хугацаанд нийт 349 сорьцод PCR шинжилгээ хийжээ.

Нэг тохиолдол нь Эрдэнэбүрэн сумын харьяат иргэн. Тухайн иргэн нь аймгийн төвд буяны ажилд оролцсон байна. Аймгийн Онцгой байдлын газар, Шуурхай штабын шаардлагаар шинжилгээнд хамруулахад халдвар авсан болох нь батлагджээ. Халдварын голомтыг тогтоохоор мэргэжлийн байгууллагууд тандалт судалгаа хийн ажиллаж байна.
БОЭТ-өөс өгсөн мэдээллээр Халдвартын тасгийн “Тусгаарлах эмнэлэг”-т 101 хүн хэвтэн эмчлүүлж байна. Халдвар авсан 2 иргэнийг өнөөдөр тээвэрлэнэ. 14 өвчтөний биеийн байдал хүндэвтэр, бусад нь хөнгөн байна. Өнгөрсөн өдрүүдэд нийт 28 иргэн эдгэрч эмнэлгээс гарсан. Эмнэлгээс гарах хүний тоо өдөр өдөрт нэмэгдэнэ гэлээ.
Өнөөдрийн /2021.04.13-ны 09:00 цаг/ байдлаар аймгийн хэмжээнд ойрын буюу 1 дүгээр хавьтлын 72 иргэн тусгаарлан ажиглах байранд, 205 иргэн гэрийн тусгаарлалтад, 15 иргэн эмнэлгийн орчинд, 49 иргэн ажлын байрандаа тус тус тусгаарлагдсан бол нийт 633 иргэн гэрийн ажиглалтад байна.
Эх сурвалж: Ховд аймгийн Засаг даргын тамгын газар