Аймгийн засаг дарга Б.Дүгэржав Хариуцлагатай тунгалаг төр, авилга хээл хахуулгүй аймаг болох зорилтыг дэвшүүлэн ажиллаж байгаа. Энэ хөтөлбөрийг хэрэгжүүлэхийн тулд шат шатандаа анхаарч төрийн албан хаагчдын сахилга хариуцлагыг дээшлүүлэх, төрийн үйлчилгээг ард иргэдэд түргэн шуурхай хүртээмжтэй явуулах тал дээр хаа хаанаа анхаарч ажиллах нь зүйтэй хэмээн үзэж энэ талын сургалт сурталчилгааны ажлуудыг түлхүү зохион байгуулж байна.
Тэгвэл Аймгийн эрүүл мэндийн газрын хамт олон энэ хөтөлбөрт нилээд ач холбогдол өгч сургалтанд хамрагдаж хийх ажлынхаа төлөвлөгөө хөтөлбөрийг  боловсруулан гаргаж байна. Ингэснээр тус байгууллагын ажилчдын ажлын уялдаа холбоо сайжирна гэж үзэж байна.



Хариуцлагатай тунгалаг төр хөтөлбөрийн хүрээнд эрүүл мэндийн газраас жендерийн тухай ойлголт, элэг бүтэн Монгол хөтөлбөр, хүүхдийн эрхийн тухай, хүүхэд хамгааллын тухай хуулийг хэрэгжүүлэхэд зарим арга хэмжээний тухай, улсын их хурлын байнгын хорооны 4-р тогтоол, эмнэлэгийн тусламж үйлчилгээний чанар, аюулгүй байдал, баримт бичгийн кодын систем, сувилахуйн тусламж өнөөгийн байдал, эмийн бодлогын хэрэгжилт, эмийн хангамжийн талаарх цаг үеийн мэдээлэл зэрэг дэд сэдвүүдийн хүрээнд 7 хоног бүр сургалт зохион байгуулж үр дүнгээ хэлэлцэж байхаар ажлаа төлөвлөж байна.
Бэлтгэсэн: Н. Таванцэцэг