Цагдаагийн газраас гэрээ байгуулахтай холбогдуулан хамтран ажиллах төлөвлөгөөг танилцуулж, цаашид хийж хэрхэн ажиллах талаараа байгууллагуудын удирдлагуудтай харилцан санал солилцлоо. Ховд аймаг дахь цагдаагийн газар нийт 14 албан байгууллагатай хамтран ажиллах гэрээг хийсэн юм. Тус гэрээг хэрэгжүүлж ажилласнаар гэмт хэрэг, зөрчлийн гаралт буурах, байгууллагуудын хамтын ажиллагаа сайжрах тус байгууллагууд харилцан үүрэг хүлээж, холбогдох хууль тогтоомжийг хэрэгжүүлэхэд үр дүн гарна хэмээн үзэж байна.





Ховд аймгийн хэмжээнд 2019 онд нийт 481 гэмт хэрэг бүртгэгдсэн байна. Энэ нь өмнөх онтой харьцуулахад 32,5 хувиар өсжээ.
Тэгвэл Ховд аймаг дахь цагдаагийн газраас гэмт хэрэг, зөрчлийн тоог бууруулах чиглэлээр олон талт үйл ажиллагааг авч хэрэгжүүлсээр байгаа юм. Түүний нэг нь өнөөдрийн хамтын ажиллагааны гэрээг батлах асуудал байлаа. Төрийн байгууллагуудын уялдаа холбоо сайжирч, хамтран ажиллах нь хуулийн хэрэгжилтэд илүү үр дүнтэйгээр нөлөөлөх чухал ажил болно гэдгийг Ховд аймаг дахь цагдаагийн газраас онцолж байна.
Бэлтгэсэн: Б. Оюунжаргал