Тэд бие даан газар тариалан эрхлээд 16 жил болж байна. Тариаланч Ш. Бямбатогтох, Б. Ууганцэцэг нар өөрийн эзэмшлийн 5- 6 га талбайд гэр бүлийн хамтаар төмс, хүнсний ногоо, тарвас тариалж, жил бүр 10-15 тонн ургац хураан авдаг байна. Мөн зэргэлдээх Увс, Завхан, Баянхонгор аймгуудад ногоо нийлүүлэхээс гадна Улаанбаатар хотод ч мөн борлуулалтаа хийдэг байна.
Тариаланчдын тухайд тарьж ургуулсан ногооныхоо чанарыг нь алдагдуулахгүйгээр хурааж, нөөцлөх, зарж борлуулах асуудал чухал байдаг. Тэгвэл тариаланч Ш. Бямбатогтохынх 60-70 тонны зоорь барьснаар ногооныхоо чанарыг алдагдуулахгүйгээр хэрэглэгчдэд хүргэдэг байна.



Аймгийн аварга залуу тариаланч Ш. Бямбатогтохынх намар 9 сарын 10-наас эхлээд 10 дугаар сарын 20-д хүртэл ургац хураалтын ажлаа үргэлжлүүлэг байна. Энэ хугацаандаа арваас арван таван түр ажлын байранд нутгийн залуусыг гэрээгээр авч ажиллуулдаг байна. Ш.Бямбатогтох удам дамжсан ногоочин. Түүний аав мөн л аймгийн аварга тариаланч. Өгөөж буян газрынхаа үр шимийг үе дамжин хүртэж, төр түмэндээ хөдөлмөр зүтгэлээ үнэлүүлж байгаадаа талархалтай байгаагаа илэрхийлж байсан.
Бэлтгэсэн: Админ-Эссэ