Аймгийн Цагдаагийн Газрын хамт олныг Буянт голоо хамгаалах,Зусландаа соёлтой амьдрая челлежинд дуудаж тус Цагдаагийн газрын Цагдаагийн ахлах дэслэгч Б.Алтансүх,Дэд ахлагч Б.Борхүү нар клубын хүүхдүүдтэй хамтран Буянт голын зусланд гарсан айлуудын орчны нөхцөл байдалд тавьж ажилласан байна. Зуслангийн айлууд, хол ойрын аялагчид зүлгэн дээр машин тавих, голын усанд юм угаах, ил задгай бие засах, орчиндоо хог хаях,голын эргээс 50 м зайд бүү хэл 5 метр хүрэхгүй газар голын ээрэг дээр гэрээ барих гэх мэт зөрчлүүд олонтаа давтагдаж буй нөхцөл байдалд байдалд зохих шаардлага тавьж ажиллалаа.
Энэ жилийн зун Шинэ Ховд Жаргаланлт ТҮК өдөр бүр цагийн хуваарийн дагуу дудлагаар хог ачиж, айлууд тогтсон цагт хогоо бөөгнүүлж,ачуулж хэвшсэн нь сайн туршлага болсон гэж Буянт голын хүүхдүүд аяны зүгээс дүгнэж, мөн зуслангийн айлууд иргэд ч санал нэгтэй байжээ. Буянт голын хүүхдүүд аяны нөлөөллийн ажлын үеэр зуслангийн айлуудын иргэдтэй уулзахад орчныхоо хогийг цэвэрлэж, бие биедээ хяналт тавьж,хүүхдүүд нь хог ачих машинд хогоо ачуулж, орчны зүлэг, гол ус бохирдуулахгүй байгаа учраас орчин тойрондоо соёлтой, тав тухтай амьдрах амьдралын хэв маягийг бий болгож чадсан нь бидний хамтын ажлын үр дүн байж чадлаа.





   Зусландаа ирэхэд торгон ногоон зүлэг байхад нь гэрээ барьж тухалсан бол, нүүхдээ нүүрээ битгий буруулаарай, буурь бууцаа цэмцийлгээд,орчин тойрныхоо хогийг цэвэрлээд нүүгээрэй гэдгийг сануулж,хүүхдүүд зуны турш хийсэн ажлынхаа талаар “Ховдын мэдээ” сонинд тусгай дугаар бэлтгэн иргэдэд хүргэсэн юм.
Аймаг орон нутгийн зүгээс Буянт голын сав газрын дагуу иргэд ая тухтай амьдарх олон бүтээлч ажил,санаачлага өрнүүлснийг бас дурьдах нь зүйтэй. Замын уулзваруудад камер байршуулж, бие засах орчинг бүрдүүлж, хог хаягдлыг дуудлагаар ачуулах, машин тавих тэмдэглэгээ, айлуудыг 50 тын зохион байгуулалтад оруулах гэх мэт олон ажил өрнүүлсэн юм.
Хүүхдүүдийн экологийн боловсролыг дээшлүүлэх, байгаль орчноо хамгаалахад тустай энэхүү аяныг дэмжиж ажилласан Аймгийн ИТХ,ЗДТГ, мэдээллийн ивээн тэтгэгч МОЭНКО кампанийн хамт олонд талархал дэвшүүлье.
Эх сурвалж: "Ховдын мэдээ" сонины дэргэдэх Байгаль сэтгүүлч клуб "Буянт голын хүүхдүүд" аян