• Мэдээ

• Админ:
• 2020 оны 02 сарын 13-нд
• ( 0)
• 6798

         Шинэ төрлийн Коронавирусийн халдвар олон улсад бүртгэгдсэнээс хойш амны хаалтны эрэлт нэмэгдэж нийлүүлэлт хомстоод байна. Манай улсын тухайд амны хаалт үйлдвэрлэн нийлүүлдэг ганц үйлдвэр байдаг бөгөөд ачааллаа дийлэхгүй байгаагаас эмийн сан, эм ханган нийлүүлэх байгууллагууд амны хаалтаар тасраад байна. Тиймээс Ховд аймгийн ЗДТГ-аас санаачлан орон нутгийн зөөлөн оёдлын үйлдвэр, оёдлын цехүүдийнхээ боломж нөөц дээр түшиглэн орон нутгийн иргэдээ амны хаалтаар хангах зорилт тавин ажиллаж 2020 оны 02 дугаар сарын 20-ны дотор 40000 ширхэг амны хаалт оёж нийлүүлэх гэрээг өчигдөр үзэглэсэн байна. Оёдлын үйлдвэр цехүүд Эрүүл мэндийн яам, Нийгмийн эрүүл мэндийн үндэсний төвөөс гаргасан даавуун амны хаалт хийх зөвлөмжийн дагуу үйлдвэрийн ажлаа шуурхайлан эхлүүлж 2 дугаар сарын 13-ны өдрөөс эхлэн амны хаалтаа орон нутагт нийлүүлж эхэлжээ.

  Ховд аймгийн Жаргалант суманд үйл ажиллагаа явуулж байгаа Мики Хо ХХК, Буянт үйлийн шим хоршоо, Гоёлын ундарга ХХК, ТочмаТэмүүжин ХХК, Цагаан болор ББН, Ахуйн үйлчилгээний оёдолчин Б. Хандсүрэн гэсэн 3 компани, 1 хоршоо, нөхөрлөл, оёдлын цехүүд тус бүр 5000 ширхэг амны хаалт үйлдвэрлэн орон нутагт 1 ширхэгийг нь 800 төгрөгөөр нийлүүлэхээр болоод байна. Дээрх үйлдвэр, оёдлын цехүүд нь хүн хүчний нөөц боломжоосоо шалтгаалан өдөрт үйлдвэрлэх амны хаалтны тоо хэмжээ харилцан адилгүй байна. Тухайлбал: Мики Хо ХХК нь 500-1000 ширхэг амны хаалт үйлдвэрлэж байгаа бол Буянт үйлийн шим хоршоо нь өдөрт 400 ширхэг амны хаалт үйлдвэрлэн нийлүүлэх зорилт тавин ажиллаж байна.





Бэлтгэсэн: Админ-Эссэ

• Админ:
• 2020 оны 02 сарын 13-нд
• ( 0)
• 6798