“Khovd cup-2022” мини хөл бөмбөгийн тэмцээн боллоо

    Хөдөө орон нутагт хөл бөмбөгийн спортыг хөгжүүлэх, түгээн дэлгэрүүлэх хөл бөмбөгийн спортод хандах хандлагыг өөрчлөх, амралт чөлөөт цагийг зөв боловсон өнгөрүүлэх зорилгоор Ховд аймгийн хөл бөмбөгийн холбоо ТББ-аас "Khovd cup-2022" хөл бөмбөгийн тэмцээнийг /2022.10.15/ өчигдөр буюу бямба гаригт Ерөнхий боловсролын 3 дугаар сургуулийн хөл бөмбөгийн талбайд зохион байгууллаа.

Тэмцээнд зургаан байгууллагын 6 баг тамирчид хурд хүч, авхаалж самбаагаа сорин өрсөлдлөө. Бүтэн өдрийн турш үргэлжилсэн тус тэмцээний нэгдсэн дүнгээр тэргүүн байрт ХИС, дэд байр Мо-Эн-КО, гуравдугаар байрт Ховд аймгийн цагдаагийн газрын хамт олон тус тус шалгарсан бол шилдэг тоглогчоор Ховд аймгийн Цагдаагийн газрын тамирчин Онцбаяр, шилдэг хаалгачаар Мо-Эн-Ко багийн тамирчин Билгүүн, шилдэг довтлогчоор Ховд их сургуулийн тамирчин Бямба-эрдэнэ нар шалгарсан байна.
Бэлтгэсэн: С.Бек




Сэтгэгдэл ( 0)