Улаанбаатар хотоос Ховд аймагт шилжин суурьших иргэд, аж ахуйн нэгж, байгууллагыг дэмжих арга хэмжээний санал боловсруулах сургалт, хэлэлцүүлэг энэ өдөр /2023.01.06/-ний Ховд аймгийн ЗДТГ-ын хурлын их зааланд зохион байгуулагдлаа. Энэ үеэр Сангийн дэд сайд, ажлын хэсгийн гишүүн С. Мөнгөнчимэг “Алсын хараа-2050” “Шинэ сэргэлтийн бодлого”-ын танилцуулга мэдээллийг Ховд аймгийн удирдлагууд, сумдын Засаг дарга нар, төрийн байгууллагын удирдах ажилтан, албан хаагч нарт хүргэн мэдээлэл өгсөн юм.
Мөн Улаанбаатар хотоос орон нутагт шилжин суурьших иргэд, байгууллагыг дэмжих арга хэмжээний санал боловсруулах ажлын хэсгийн 2022-2024 онд хэрэгжүүлэх үйл ажиллагааны ерөнхий танилцуулга хийгдэж хэлэлцүүлэг өрнүүллээ.



 МУЗГ-аас дэвшүүлсэн хөгжлийн бодлого чиглэл болон Улаанбаатар хотоос хөдөө орон нутагт шилжин суурьших иргэдийн ажиллаж амьдрах нөхцөл боломжийг нэмэгдүүлэх, орон нутагт үйл ажиллагаа явуулах аж ахуйн нэгжийг дэмжих цогц арга хэмжээний санал боловсруулах сургалт хэлэлцүүлэг бүх аймагт хийгдэж байна. Ингэснээр 21 аймаг тус бүр өөр өөрийн онцлогт тохирсон “Нээлттэй аймаг” хөтөлбөрийг батлан хэрэгжүүлэх, ажлын байр нэмэгдүүлэх, бие даасан эдийн засаг бүхий аймаг болох зорилт тавин ажиллах юм.